متجر التطبيقات بيشتغل إزاي

متجر التطبيقات بيربط متجرك بشركات الشحن وبوابات الدفع وأدوات للتأكيد والدروب شيبنج والشيتات والإيميل وغيرها. هتلاقيه من التطبيقات في لوحة التحكم.

تبويبات متجر التطبيقات

كل تطبيق بيظهر عليه احصل لو لسه مش متثبت، أو إدارة التطبيق لو متثبت.

تثبيت شركة شحن أو بوابة دفع

1. اضغط احصل على التطبيق.
2. هتفتح شاشة ربط مكتوب فيها إن التطبيق عايز يتربط بمتجرك. اقرأ الصلاحيات اللي بيطلبها.
3. استخدم المساعدة لو محتاجها — طريقه الأستخدام، ولينك لفتح لوحة شركة الشحن أو البوابة، وبعض شركات الشحن فيها دعم اتصال أو واتساب.
4. املأ فورم الإعدادات ببيانات حسابك عند الشركة دي.
5. اضغط سماح للتثبيت، أو إلغاء للرجوع.

تثبيت أي تطبيق تاني

1. اضغط على التطبيق علشان تفتح صفحته. هتلاقي المطوّر والسعر والتصنيف واللغات والدول المتاح فيها، وعن هذا التطبيق وما الجديد — وغالبًا فيه خطوات الإعداد.
2. اضغط تثبيت.
3. اضغط تكوين وادخل البيانات اللي التطبيق محتاجها، زي مفتاح الـ API.

تلاقي التطبيقات المتثبتة فين

• شركات الشحن: الطلبات › شركات الشحن. وبعدها تقدر تختار شركة الشحن الافتراضية من الإعدادات › إعدادات الشحن.
• بوابات الدفع: المتجر › إعدادات الدفع ← بوابات الدفع. بوابة واحدة بس بتكون مفعّلة — اقرأ نظرة عامة على بوابات الدفع.
• باقي التطبيقات: افتح التطبيق من مكتبتي واضغط تكوين.

تحديث أو إزالة تطبيق

لما يكون فيه إصدار جديد، صفحة التطبيق هيظهر فيها تحديث — اضغط عليه علشان تاخد آخر نسخة. وتقدر تفصل أي تطبيق في أي وقت: البوابة بتتشال بـ إزالة من إعدادات الدفع، وشركات الشحن من الطلبات › شركات الشحن، وباقي التطبيقات من صفحتها في مكتبتي.